* Ең басты мәселе Ақ жолды қолдау. Себебі күллі адамзаттың болашақ тағдыры дәл осы қолдауға тәуелді. "Халық қаласа хан түйесін сояды" дегендей егер халық қолдаса Ақ жол сөзсіз жүзеге асады. Нәтижесінде бақытты нұрлы болашақ айқара есік ашады. Ал қолдамаса, кітапта анық ескерткенімдей салдары тым ауыр болады. Ақ жолды қолдау әсіресе біздің халқымыз үшін аса маңызды. Өйткені Ақ жол жүзеге асса, бірінші кезекте халқымыздың сан ғасырлық сансыз асыл арманы орындалып, алтын таңы арайлап атып Алтын ғасыры туады. Біз үшін одан асқан бақыт жоқ. Олай болса, алтыннан ардақты оқырманым, аяулы халқым, тұтас ел болып, жұдырықтай жұмылып Ақ жолды қолдайық. Бұл игі шарадан тек қарапайым адамдардың ғана емес қолында билігі бар барша мемлекеттік қызметкердің, әсіресе құрметті Парламент мүшелері мен аса мәртебелі Президентіміз Қ.Тоқаевтың да қалыс қалмай Ақ жолды қолдағаны абзал. Жалпы Ақ жолды қолдау арқылы Алтын дәуірдің орнауына үлес қосу бүгінгі таңда өмір сүріп отырған әрбір адамның азаматтық міндеті!
* Кітапта арнайы атап өткенімдей Ақ жол - киелі жол. Оған қарсы шығуға тыйым салынады! "Кие" дегеннің не екенін әрбір адам жақсы біледі деп ойлаймын.
* Ескерте кетейін, Ақ жолды қолдау үшін кітапты оқу шарт емес. Себебі кітап қоғамтанушы ғалымдар мен мәселеге жауапты мемлекеттік институттарға арналған. Ол кітапты қарапайым адамдардың түсіне бермеуі, тіпті оқымауы мүмкін. Алайда Ақ жолдың халыққа берер көл көсір пайдасынан басқа титтей зияны жоқ. Сондықтан қарапайым адамдар кітапты оқымаса да Алтын дәуірдің игілігін көру мақсатымен Ақ жолды қолдауға, тіпті оның жүзеге асуы үшін белсене атсалысуға құқылы.
* Болашақтан үлкен үміт күтетін әрбір әділетсүйгіш әрбір адамның Ақ жолды сөзсіз қолдайтыны анық. Десе де бізге бірінші кезекте нақты мәлімет керек. Сондықтан Ақ жолды қолдаймын деген азаматтардың төмендегі нысанды толтырып жібергені абзал. Тек ғана жалған мәлімет жіберуге болмайды, сайт нысанды кімнің жібергенін анықтай алады. Сонымен қатар азаматтар Ақ жолды қолдайтынын әлеуметтік желілерге де заң аясында ашық жазуға болады.
* Халқымыздың нұрлы болашағына толық сенетін әрбір адамның Ақ жолды қолдаумен қатар жүрген жерінде адамдарға Ақ жолды жиі айтып жалықпай насихаттау арқылы Алтын дәуірдің орнауына үлкен үлес қосқаны абзал.